Ta noc na Naksos tako cicho,
Cykad zamilkło już pogwarka,
I zdowo mi sie, żech je w Tychach
I mie do szkoły budzi starka.

Flaszka już swoje dno odsłanio,
Jak karty wielgo ksiynga jutra...
Kiedyż to mnie do bierzmowanio
Przepytywała przed snym mutra?

Godom już winu kalinichta,
Pora zaś zmierzić sie ze światym,
Ach, kedy mie, skończywszy szychta,
Na zwykłe piwo weźmie fater?

Bez końca można by tak marzyć
Pod rozgwieżdżonym greckim niebym...
A co to? Prziszli po mie starzyk?
Niy, to niy starzyk. To feldfebel.