Poszukiwacz Boga
Dodane przez Jan Majowski dnia 07.02.2013 11:08

---

Pytom Jowisza
czy widzioł Boga?
Ic do Saturna
mruknoł pod nosym.

Tyn do Urana
kozoł mi dreptać,
jak go niy bydzie
skocz do Neptuna.

Pluton ze Słońcem
śmioli sie zymnie,
kogo jo szukom
pyto Merkury?

Ło Boga idzie
glacoku siwy,
kukni do Wenus
furgni na Marsa.

Księżyc sie wkurzył
ryknoł do ucha,
bier moje koło
mazej na ziemia.

Tam jest kraina
co rzyko, wierzy,
dziesiync przikazan
ciupie za euro.


Lublin, 02.02.2013 r. szpilowyhanik